Засгийн газрын шийдвэрийн хүрээнд ЗГХЭГ-ын дарга Д.Амарбаясгалан, Сангийн сайд Б.Жавхлан, ХНХ-ын сайд Х.Булгантуяа нар мэдээлэл хийлээ.

Энэ үеэр Сангийн сайд Б.Жавхлан ийнхүү мэдэгдлээ: "Төсөв тодотгож цалин, тэтгэвэр нэмж байгаа явдал нь сонгуулийн шоу биш шүү. Бидэнд гарсан хамгийн эхний боломж юм. Хойшлох, сонгууль дөхөх тусам янз бүрээр хэлэгдэх байх.

• Төрийн албан хаагчдын цалинг нэмнэ

• Тэтгэврийн зөрүүг итгэлцүүрээр арилгаж, дараа нь 10 хувиар нэмнэ. 493 мянган тэтгэвэр авагч авна

• Хүүхдийн мөнгийг хүсэлт гаргасан хүүхэд бүрд өгнө. Авч чадаагүй хасагдсан хүүхдүүдийнхийг нөхөж олгоно

• Халамжийн хэмжээг өсгөнө

• Түгжрэлийн асуудлыг шийдвэрлэхэд 187 тэрбум төгрөгийн санхүүжилт дутсаныг олгоно

Ийм таван зүйлийг үндэслэж төсвийн тодотгол хийнэ. Үүнд 1.8 их наяд төгрөг шаардлагатай бөгөөд 1 сая иргэн хамрагдана”