НҮБ-ын Хүүхдийн сангаас “Хариу үйлдэлт асар­­гаа, халамж” судалгааг 2023 онд үндэсний хэм­­­­жээнд анх удаа хийж, дүнг өнгөрсөн сард та­нил­цуул­жээ. Судалгаанд тав хүртэлх нас­­ных­ныг хамруулсан бөгөөд томчуудын тэдэнд тавьж буй асар­гаа, халамж 71.9 хувь­тай үнэлэгдсэн аж. Тус сан­гийн бага насны хүүх­­дийн хөгжил ха­риуцсан мэр­гэжилтэн С.Өл­­зий­сайхан “Тав хүр­тэлх насны хүүх­дүү­дийн 28 хувьд нь асаргаа, ха­­ламж төдийлөн үзүү­­лэхгүй байна. Ерөнхийдөө энэ нас­ны хүүх­­дүү­дийн 62 хувь нь хэл ярианы бэрх­­шээл­тэй. Уг шалт­гаанаар эмнэлэгт хан­дах эцэг, эхчүүдийн тоо ч нэмэгдсэн. Энэ нь ас­­ран хамгаалагч нар бага нас­ны буюу тархи, хэл яриа нь гүйцэд хөгжөөгүй хүүх­дүүдээ гар ут­саар саатуулан, их тоглуулж, бичлэг үзүүлж буй­­тай холбоотой. Үүнээс болоод хүүх­­­дүүд гэ­­рийнх­­нийхээ хэн нэгэнтэй харил­цах­­гүй­гээр дэл­гэцэд хэт донтож, улмаар хэл ярианы бэрх­шээл­тэй болж байна. Хүүх­дийн хү­мүүжил тө­лөв­шилд, тэднийг асарч, ха­ламж­лах талд аав на­рын оролцоо хан­галтгүй, 20 хувьд ч хүрэхгүй бай­­гаа гэсэн судалгааны дүгнэлт гарсан” гэж ярилаа.
Эцэг, эхчүүд хүүхдэдээ анхаарал халамж тө­­дий­лөн тавихгүй байгааг олонх нь ажлын ачаа­­лал, амьдралын завгүй хэмнэлтэй холбон тайл­­­­барлажээ. Тиймээс төрийн болон хувийн бай­­­гуул­­лагуудыг гэр бүлүүдэд ээлтэй бодлого хэ­­рэг­жүүлэхийг Хүүхдийн сангаас уриалж. Ин­­гэх­дээ хүүхэд нь өвдөхөд цалинтай чөлөө ол­­гох, цахимаар ажиллуулах зэрэг хэрэгцээ, шаардлага үүсээд буйг тодотгосон байна.

О.Оргилох

https://www.unuudur.mn/a/273157